Utsira på Vestlandet

Einskilde år

Utsira vêrstasjon ligg på toppen av øya Utsira som også er eigen kommune. Der har stasjonen stått i tilknyting til Utsira fyr heilt sidan starten om ein ser bort frå nokre år under krigen då tyskarane okkuperte fyret. Vi ser vêrhus og nedbørsmålar i framgrunnen. Foto: met.no 2003. (Klikk på biletet for å få det større.)

Rekordvarmen kom i 2006 (9,1 gradar) medan 1990 kjem ut som det nest varmaste året med 8,8 gradar, fylgd av 1992 og 2004, båe med 8,6 gradar.

 

Dernest er gjennomsnittet 8,5 gradar i heile sju tilfelle: åra 1934, 1953, 1997, 1999, 2000, 2003 og 2007. Merk kor tett dei seinaste åra er representerte på denne lista.

For å finne kalde år må vi tilbake til 1979: 6,3 gradar, men det aller kaldaste var 1881 med 6,0 gradar. Det kaldaste året i det 20. hundreåret var 1942 med 6,2 gradar.

Tiårsvariasjonar

Kurva på figuren under viser tiårsvariasjonane. Frå 1980-talet steig temperaturen sterkt opp mot 1990-talet, som er det varmaste tiåret i heile måleperioden, men no ser det ut til at det neste tiåret blir endå varmare.

Elles var det varme år på 1930-talet og på slutten av 1940-talet, med ein kaldbolk imellom, som dei tre kalde krigsvintrane må ta mykje av skulda for.

På den same tiårsskalaen merkjer åra omkring 1980 seg ut som svært kalde, og ein må attende til 1920-åra for å finne dei endå kaldare. Men aller kaldast var det i starten på måleperioden på slutten av 1870-talet.

Under kan du sjå på grafar for sesongar og månader 

• vinter, vår, sommar og haust
• januar, februar, mars, april, mai, juni, juli, august, september, oktober, november og desember

 

Temperaturauke og trendar

• Sidan starten i 1868: auke 1,1 gradar, trend = 0,08 gradar per tiår.
• Siste 100 år: auke 0,8 gradar, trend = 0,08 gradar per tiår.
• Siste 50 år: auke 1,2 gradar, trend = 0,25 gradar per tiår.

Alle temperaturtrendane er statistisk sikre.