Internasjonalt samarbeid
Meteorologien stansar ikkje ved landegrensene. Difor er det naudsynt å utveksla observasjonar og informasjon med andre land.
Her kan du lese om verdas meteorologiske organisasjon (WMO) og dets kommisjonar, samt FNs kommisjon for langtransporterte
grenseoverskridande forureiningar.
- World Meteorological Organization (WMO)
World Meteorological Organization vart oppretta i 1945 i regi av FN. Samarbeidet går mellom anna ut på å innhenta observasjonar
for heile kloten, utveksla data med effektiv kommunikasjon, på eit språk alle forstår og kan tyda, og utarbeida felles kodar
over helie verda. Alle aktuelle målingar må gjerast på ein standardisert måte, slik at dei numeriske data blir eintydige og
kan lesast av alle.
Ein stor del av arbeidet i WMO går føre seg i
tekniske kommisjonar. Met.no er med i alle kommisjonane i WMO for å ivareta instituttet sine interesser og for å halda seg orientert og informert
om utviklinga på verdsbasis. Sjølv om kommisjonane berre møtest fjerdekvart år, vert det kontinuerlig arbeid i mange verdsomspennande
samarbeidprosjekt. Kontakten med andre institutt og utveksling av fagleg kompetanse er nyttig for vidareutvikling av både
fag og institutt.
- Commission for Basic Systems (CBS) engasjerer seg i det som er grunnleggjande for all meteorologi, nemleg observasjonsstasjonane og observasjonsnettet, forutan
datakommunikasjon og ulike sentra for dataprosessering.
- Commission for Atmospheric Sciences (CAS) koordinerer forsking om atmosfærens samansetjing og dei prosessane som går føre seg i atmosfæren. Viktige område er urban
meteorologi, som tar sikte på varsling av luftkvalitet i liten skala, og varsling av ekstremvêr, med spesiell vekt på tropiske
stormar.
- IOC/WMO Joint Commision for Oceanography and Marine Technology. Det er særleg kyststatar som er med i JCOMM, og Noreg prioriterar fagområdet høgt på grunn av dei viktige maritime tenestene
og vår lange kystlinje.
- Commission for Aeronautical Meteorology (CAeM) arbeider med vêrvarsling for luftfart.
- Commission for Climatology (CCl) er viktig med tanke på klimaendringar som global oppvarming. Kommisjonen spelar ein viktig rolle innan verdas klimaprogram
når det gjeld klimadata og bruk av klimatologi.
- Commission for Hydrology (CHy) er instituttet med i, i samarbeid med Hydrologisk avdeling i Norges vassdrags- og energidirektorat. Etter kvart som vassressursar
har vorte meir verdfulle, har denne kommisjonen vorte viktigare. Både vasskvalitet, flaum og flaumkatastrofar er del av kommisjonen
sitt ansvarsområde.
- Commission for Agricultural Meteorology (CAgM) er spesielt viktig for utviklingslanda. Her samarbeider Meteorologisk institutt med Universitetet for miljø- og biovitenskap
(Norges Landbrukshøyskole.)
- Commission for Instruments and Methods of Observation (CIMO) arbeider med standardisering av instrument og målemetodar.
